Թալին համայնքի ղեկավարի գլխավորությամբ տեղի ունեցավ ընդլայնված աշխատանքային խորհրդակցություն։
Խորհրդակցությանը մասնակցում էին համայնքապետարանի ղեկավար կազմը, ստորաբաժանումների ղեկավարներն ու ոլորտային պատասխանատուները։
Քննարկման ընթացքում անդրադարձ կատարվեց համայնքում իրականացվող ընթացիկ աշխատանքների կատարման ընթացքին, տարբեր ոլորտներում առկա խնդիրներին և դրանց լուծման հնարավոր տարբերակներին։ Քննարկվեցին նաև առաջիկա ծրագրերն ու նախատեսվող աշխատանքները։
Համայնքի ղեկավարը պատասխանատուներին հանձնարարեց հետևողական լինել աշխատանքների պատշաճ և սահմանված ժամկետներում իրականացման հարցում՝ կարևորելով բնակիչների կողմից բարձրացված խնդիրներին ժամանակին արձագանքելը։ |