ՄԱՍՆԱԿՑԵ՛Ք ԹԱԼԻՆ ՀԱՄԱՅՆՔԻ ԶԱՐԳԱՑՄԱՆԸ (ԲՅՈւՋԵ 2025)
311659723_487849786700004_8803122791570429397_n.jpg Թալին համայնքում մեկնարկել է 2025 թվականի Մասնակցային բյուջետավորմամբ ձևավորվող ծրագրերի իրականացման գործընթաց, որին կարող են մասնակցել համայնքի 16 տարին լրացած բնակիչները՝ ինչպես անձամբ, այնպես էլ հասարակական միավորումների և քաղաքացիական նախաձեռնությունների միջոցով։ Մասնակցային բյուջետավորման գործընթաց իրականացնելու նպատակով ՀՀ կառավարության 2023թ նոյեմբերի 2-ի N 1890-Ն և համայնքի ավագանու 2024թ. նոյեմբերի 29-ի Ν 168-Ա որոշումներով համայնքի 2025թ-ի բյուջեում նախատեսվել է առնվազն 20% համաֆինանսավորում: Թալին համայնքի ղեկավարի 2025 թվականի հունվարի 3-ի թիվ N 01-Ա որոշմամբ ստեղծվել է Մասնակցային բյուջետավորման գործընթացի կառավարման հանձնաժողով: Շնորհիվ այս միջոցառման՝ Թալին համայնքի բնակիչները հնարավորություն ունեն հանդես գալու իրենց առաջարկներով, ծրագրային գաղափարներով և համայնքապետարանի հետ համատեղ բարելավելու իրենց բնակավայրերը, ավելի հարմարավետ և գրավիչ դարձնելու համայնքային կյանքը: Միևնույն ժամանակ առաջարկների այս հարթակը քաղաքացիներին հուզող խնդիրները հավաքելու համակարգ է և լուծումների միասնական որոնման միջոց: Այս էլեկտրոնային գործիքը կխթանի բնակիչների անմիջական մասնակցությունը համայնքային որոշումների կայացմանը, համայնքային բյուջեի պլանավորմանն ու կառավարմանը, կբարձրացնի տեղական ինքնակառավարման մարմինների նկատմամբ վստահությունն ու բնակիչների քաղաքացիական պատասխանատվությունը: Առաջարկներ կարող եք ներկայացնել այս էլեկտրոնային հարթակում՝ «Ուղարկել առաջարկ» բաժնում։ Սպասում ենք ձեր ծրագրային առաջարկներին։
Առնչվող փաստաթղթեր
 |
(2.11 Մբ)
Արձանագրություն |
Ընթացքում է (19/11/2024-31/12/2025)
ShowTimeTable
ProcessTable
Առաջարկներ
Սեղանի թենիս
Թաթուլ Համբարձումյան
07 մայիս 2024
Իմ խնդրանքն ու առաջարկն է ` Նոր Արթիկ,Սուսեր,Ցամաքասար,Զարինջա, Հացաշեն գյուղերը ապահովեք թենիսի սեղաններով,գնդաթիներով(ռակետ),նստարաններով,անհրաժեշտության դեպքում ապահովել լուսավորությամբ։ Առաջարկիս նպատակն է` որ դպրոցականները լիարժեք մարզվեն և կարողանան մասնակցել տարբեր մրցաշարերի`Վարչապետի գավաթի և այլն։Ինչպես նաև մեծահասակների համար կլինի զբաղմունք։Գործընթացը լիարժեք լինելու համար`որ գործի ամբողջ տարվա ընթացքում(ցուրտ օրերի համար),ապահովել նաև համապատասխան ջեռուցմամբ։
118
Կրթություն
Զովասարի նոր գերեզմանատան ցանկապատում
Ցողիկ Մկրտչյան
13 մայիս 2024
Խնդրում եմ Ձեզ,Զովասար բնակավայրում իրականացնել նոր գերեզմանատան ցանկապատում ՝ 1,30 հա տարածքի,գերեզմանատան ճանապարհի բարեկարգում ՝ 50 մետր,և ապահովվել գերեզմանատան էլեկտրական հոսանքի հասանելությունը:
63
Այլ
Գայի 13 հասցեում գտվող բազմաբնակարան շենքի տանիքի մասնակի վերանորոգում
Հասմիկ Կուլյան
13 մայիս 2024
Շենքը կառուցվել է անցած դարի 60-ական թվականներին և մինչ օրս երբևէ չի հիմնանորոգվել։ Գտնվում է շատ վատ վիճակում անձրևների և ձնհալի ժամանակ վերին հարկեր է թափանցում մեծ քանակի ջուր, որը ծավալների մեծ լինելու դեպքում թափանցում է նաև առաջին հարկ ։ Նախորդ օրերին տեղած հորդառատ անձրևների պատճառով բնակիչները կրել են ահռելի վնասներ։ Խնդրանք առաջարկս է՝ ծրագրի շրջանակներում Գայի 13 հասցեում գտվող բազմաբնակարան շենքի տանիքի մասնակի վերանորոգում իրականացնել։
204
Շինարարություն
Թալին քաղաքի կենտրոնական հրապարակում ոտքերով նվագելու հնարավորություն ունեցող դաշնամուրի տեղադրում
Նելլի Համբարյան
14 մայիս 2024
Թալին համայնքում բացակայում են երիտասարդների և երեխաների ժամանցի, հանգստի ժամերը հետաքրքիր կազմակերպելու համար նախատեսված վայրեր։ Համայնքը ավելի գրավիչ դարձնելու, ինչպես տեղացիների անյպես էլ հյուրերի և զբոսաշրջիկների համար առաջարկում եմ՝ Թալին քաղաքի կենտրոնական հրապարակում որտքերով նվագելու հնարավորություն ունեցող դաշնամուրի տեղադրումը, որը կնպաստի ոչ միայն ժամանցի, այլ նաև կնպաստի երաժշտության ոլորտի զարգացմանը և երաժշտությամբ հետաքրքրվողների քանակի աճին։
214
Այլ
Նոր կյանք «Խալաչիին»․ կրոնական կյանքի համատեղում հանգստի ու ժամանցի հետ
Ղուկաս Պետրոսյան
15 մայիս 2024
Արագածոտնի մարզի Զովասար համայնքում «Խալաչի» անվամբ հայտնի վայր կա, որտեղ կա հին սրբավայր և սառնորակ աղբյուր։ Բնակիչները այցելում են Խալաչի աղոթելու, մոմ վառելու նպատակով, ինչպես նաև նստելու ու հանգստանալու, որովհետև տարածքը բավականին գեղեցիկ է, օդը մաքուր, ջուրը՝ սառնորակ։ Սակայն, տարածքը փոքր-ինչ անմխիթար վիճակում է, չկան տաղավարներ, որտեղ մարդիկ կարող են ավելի երկար ժամանակ անցկացնել ու կրոնական կյանքը համատեղել նաև հանգստի հետ, ինչպես որ ընդունված է մեր երկրում։ Ծրագրի նպատակն է «Խալաչիում» տաղավարների տեղադրումը (երկու տաղավար՝ մոտ 20 անձի համար), տարածքի կանաչապատումն ու ցանկապատումը, որպեսզի ձորի կողմից կանխվի եղջերավոր անասունների մուտքը տարածք։ Բարեկարկգման այս փոքրիկ աշխատանքները հնարավորություն կտան ակտիվացնելու համայնքի ինչպես կրոնական կյանքը, այնպես էլ համայնքում բարեկարգման և կանաչապատման աշխատանքների միջոցով ունենալու նաև հանգստի հաճելի վայր գյուղացիների համար, որի այլընտրանքները բնակավայրերում իսկապես չկան։ Ծրագրի շնորհիվ «Խալաչին», որը հիմնականում հին սերնդի համար էր սիրելի վայր, կդառնա գրավիչ ու սիրելի ժամանցի և հանգսի վայր նաև երիտասարդների համար։ Ներկայացված աշխատանքների իրականացումը կպաահանջի մոտավորապես 700.000 ՀՀ դրամ գումար։
45
Կանաչ համայնք և բարեկարգում
- Կարծիքներ
- Հաշվետվություններ