ՀՀ Արագածոտնի մարզի Թալին քաղաքային համայնքի 2017-2021թթ. զարգացման հնգամյա ծրագիրը (ՀՀԶԾ) մշակվել է՝ հիմք ընդունելով «Տեղական ինքնակառավարման մասին» ՀՀ օրենքով սահմանված՝տեղական ինքնակառավարման մարմինների (ՏԻՄ-երի) իրավասություններն ու լիազորությունները նրանց գործունեությանբ նա գավառներում (ոլորտներում), ՀՀԶԾ-ի մշակման մեթոդաբանական առանձնահատկությունները և ծրագրային հիմքերը:
Ներկայացվող ՀՀԶԾ-ն առաջիկա հինգ տարիների համար հանդիսանալու է Թալին համայնքի զարգացման հիմնական փաստաթղթերից մեկը: Այն մշակվել է մասնակցային եղանակով՝ հաշվի առնելով համայնքի շահագրգիռ բոլոր կողմերի առաջարկությունները: Հարցումների միջոցով վեր են հանվել համայնքի բնակիչներին հուզող խնդիրները,  դրանք գնահատվել են համայնքային ժողովի ժամանակ համայնքային ակտիվ խմբերի կողմից և դասակարգվել ըստ առաջնահերթության:
ՀՀԶԾ-ն իրենից ներկայացնում է համայնքի սոցիալ-տնտեսական իրավիճակի համալիր վերլուծության և առկա հիմնախնդիրների բացահայտման, ֆինանսական և տնտեսական ռեսուրսների գնահատման արդյունքում նպատակային զարգացման տեսանկյունից ձեռնարկվելիք քայլերի ամբողջություն, որը նախատեսում է ռազմավարական քաղաքականությամբ համայնքի խնդիրների արդյունավետ լուծում և նպատակային բյուջետավարման գործընթացի իրականացում:
ՀՀԶԾ-ն ներառում է նաև Թալին համայնքի ղեկավարի և ավագանու անդամների նախընտրական ծրագրերի բաղադրիչները: Թալին համայնքի ներդաշնակ և համաչափ զարգացման, Թալինի բնակիչների բարեկեցության ապահովման համար առաջիկա հինգ տարիներին ընդունված ծրագիրը հանդիսանալու է համայնքի զարգացման ամենօրյա փաստաթուղթը:Առաջիկա հինգ տարիների համար Թալին համայնքի զարգացման հիմնական ուղղությունները և գերակա ոլորտներն են`

• Գյուղատնտեսության զարգացումը, որը ենթադրում է հողօգտագործման ձևերի արդիականացում, ոռոգման համակարգի ներդրում,գյուղատնտեսական կոոպերատիվների ստեղծում, մշակովի հողերի ավելացում, գյուղատնտեսական արտադրանքի մշակման փոքր և միջին ձեռնարկությունների ստեղծում:
  
• Զբոսաշրջության զարգացում և սպասարկող ծառայությունների ոլորտի ընդլայնում համայնքում առկա գործող արտադրական ձեռնարկությունների՝ արտադրական կարողությունների ընդլայնում և գործունեությունը դադարեցրած արտադրական ձեռնարկությունների վերագործարկում:
  
  Որպես զարգացման ծրագրում ուշադրության արժանի հնարավոր ուղղություններ,պետք է նշել ադամանդագործությունը,ոսկերչությունը և ժամացույցների արտադրությունը,քանի որ աշխատատեղերի ստեղծումն ակնկալվում է հիմնականում այդ ոլորտներում և համայնքում առկա են նշված ոլորտներում աշխատանքի փորձ ունեցող մասնագետներ և բանվորներ: Նախկինում համայնքի տարածքում գործել են <<Դայմոթեք>> ՓԲ և <<<<Հայք>> ժամացույց և ոսկերչություն>> ՍՊ ընկերությունները:
  
  Համայնքի զարգացման հիմնական պրոբլեմները, խոչընդոտները և դրանց ծնող պատճառներն են՝
  
  
• աշխատատեղերի բացակայությունը, որի պատճառով համայնքում փաստացի բնակվող բնակչության թիվը գնալով նվազում է, կրթված երիտասարդները թողնում են համայնքը և գնում Երևան կամ արտասահման
• ոռոգման համակարգի բացակայությունը, որի պատճառով գյուղատնտեսական նշանակության հողերը մշակվում են ոչ ամբողջությամբ, իսկ մշակվող հողերից ստացվող բերքի արդյունավետությունը ցածր է:
• համայնքի ֆինանսական ռեսուրսների սղությունը
• բնակարանային շինարարության բացակայությունը և այլն:
  
  Ծրագիրը բաղկացած է 3 գլխից:
  
  1-ին գլխում ներկայացվում է համայնքի իրավիճակի նկարագրությունը` համայնքի ընդհանուր նկարագրությունը, սոցիալ տնտեսական իրավիճակը, իրականացվող ծրագրերը, ֆինանսական իրավիճակի նկարագրությունը և ֆինանսական կանխատեսումները, զարգացման խոչընդոտները և դժվարությունները, համայնքի ուժեղ և թույլ կողմերի, հնարավորությունների և սպառնալիքների (ՈՒԹՀՍ) վերլուծությունը:
  2-րդ գլխում ներկայացվում է նպատակների սահմանումը և գործողությունների պլանավորումը` համայնքի զարգացման տեսլականը, անմիջական նպատակները:
  3-րդ գլխում ներկայացվում է ծրագրի ֆինանսավորումը: