Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 33-րդ կետով, «Հայաստանի Հանրապետության վարչատարածքային բաժանման մասին» օրենքի 6-րդ հոդվածով և «Աշխարհագրական անվանումների մասին» օրենքի 6-րդ հոդվածի 1-ին և 2-րդ մասերով, հաշվի առնելով Զարինջա բնակավայրի անվանափոխության հարցով 2026 թվականի հոկտեմբերի 30-ի և 2026 թվականի նոյեմբերի 10-ի հանրային լսումների արձանագրություններում ամփոփված՝ բնակավայրի բնակիչների կարծիքները, ինչպես նաև հաշվի առնելով Հայաստանի Հանրապետության կառավարության 2002 թվականի մայիսի 29-ի N 628 որոշմամբ հաստատված՝ Արագածոտնի մարզի պատմության և մշակույթի անշարժ հուշարձանների պետական ցուցակի 2.44-րդ բաժնում ընդգրկված՝ Զարինջա բնակավայրի «Կարմիր վանք» եկեղեցու անվանումը և բնակավայրին այդ հուշարձանի անվանումից բխող «Կարմրավանք» անունը տալու առաջարկությունը՝ Թալին համայնքի ավագանին որոշում է.
1. Պետական լիազորված մարմին առաջարկություն ներկայացնել Հայաստանի Հանրապետության Արագածոտնի մարզի Թալին համայնքի Զարինջա բնակավայրը Կարմրավանք վերանվանելու վերաբերյալ։
2. Համայնքի ղեկավարին՝ սույն որոշումը, երկու հանրային լսումների արձանագրությունները, բնակիչների կարծիքների ամփոփումը և անվանափոխությունը հիմնավորող փաստաթղթերը ներկայացնել Հայաստանի Հանրապետության Արագածոտնի մարզպետին՝ «Աշխարհագրական անվանումների մասին» օրենքի 6-րդ հոդվածով սահմանված ընթացակարգով առաջարկության քննարկումն ապահովելու նպատակով։
3. Սույն որոշումն ուժի մեջ է մտնում հրապարակման հաջորդող օրվանից։ |