Քննության առնելով Հերկուլես Նաիրիի Սարգսյանի նկատմամբ «Վարչական իրավախախտումների վերաբերյալ» ՀՀ օրենսգրքի 162-րդ հոդվածի 1-ին մասով նախատեսված առերևույթ խախտման կապակցությամբ 2026 թվականի սեպտեմբերի 14-ի որոշմամբ վարչական իրավախախումների վերաբերյալ հարուցված գործը․
ՊԱՐԶԵՑ
Թալինի համայնքապետարանի աշխատակազմի աշխատակազմի Զարգացման ծրագրերի, տուրիզմի, առևտրի սպասարկման և գովազդի բաժնի կողմից 2026 թվականի սեպտեմբերի 14-ին զեկուցագիր է ներկայացվել այն մասին, որ Թալին-Կարմրաշեն ճանապարհին հարող՝ Թալին քաղաքի վարչական տարածքում, Արմավիրի մարզի Բաղրամյան համայնքի, Շենիկ բնակավայրի բնակիչ Հերկուլես Նաիրիի Սարգսյանը կատարել է ոչ սահմանված վայրում՝ պահանջների խախտմամբ առևտուր, այդ կերպ թույլ տալով ՀՀ «Վարչական իրավախախտման վերաբերյալ» օրենսգրքի 162 հոդվածի 1-ին մասի իրավախախտում։ Հարուցված վարչական վարույթի շրջանակներում 2026 թվականի սեպտեմբերի 15-ին, ժամը 11։00-ին հրավիրվել է վարչական վարույթի լսում, որի վերաբերյալ պատշաճ ծանուցված Հերկուլես Նաիրիի Սարգսյանը ներկայացել է։ Հերկուլես Նաիրիի Սարգսյան իր արտահայտած դիրքորոշմամբ ընդունեց իր կողմից իրավախախտում կատարելու փաստը, և նշեց, որ իր չիմացության արդյունքում է նման գործողություն կատարել, կարծել է, որ դա արգելված է միայն Երևան քաղաքում։ Ուսումնասիրելով վարչական վարույթի նյութերը և գործով ձեռք բերված փաստական հանգամանքները, հաստատված համարվեց Հերկուլես Նաիրիի Սարգսյանի կողմից կատարված վարչական իրավախախտման փաստը։ Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ, 26-րդ կետերով, «Վարչական իրավախախտումների վերաբերյալ» ՀՀ օրենսգրքի 162-րդ հոդվածի 1-ին մասով, 2191, 281-282-րդ հոդվածների պահանջներով․
Ո ՐՈ Շ Ե Ց
1․ Հերկուլես Նաիրիի Սարգսյանի նկատմամբ նշանակել վարչական տույժ՝ տուգանք 70․000 /յոթսուն հազար/ ՀՀ դրամի չափով։
2․Հերկուլես Նաիրիի Սարգսյանին առաջարկել Հայաստանի Հանրապետության օրենսդրության պահանջներին համապատասխան միջոցներ ձեռք առնել նշված իրավախախտման հետևանքները վերացնելու ուղղությամբ։
3․ Տույժը պետք է վճարվի 900465000041 հաշվեհամարին, «Նպատակ» դաշտում պարտադիր նշելով որոշման համարը։
4. Սույն որոշումն ուժի մեջ է մտնում Հերկուլես Նաիրիի Սարգսյանին իրազեկելու պահից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am կայքի և/ կամ համայնքապետարանի տեղեկագրերում հրապարակելու միջոցով:
5․ Տուգանքը պետք է վճարվի այն նշանակելու մասին որոշումը հասցեատիրոջը հանձնելու օրվանից ոչ ուշ, քան տասնհինգ օրվա ընթացքում, իսկ այդ որոշումը գանգատարկելու կամ բողոքարկելու դեպքում` գանգատը կամ բողոքը առանց բավարարման թողնելու մասին ծանուցման օրվանից ոչ ուշ, քան տասնհինգ օրվա ընթացքում:
6․ Սույն որոշումը կարող է բողոքարկվել օրենքով սահմանված կարգով։