Ղեկավարվելով ՀՀ Քաղաքացիական օրենսգրքի 188-րդ հոդվածի 2-րդ մասով և հիմք ընդունելով ՀՀ կառավարության 2006թ. մայիսի 18-ի 912-Ն որոշման հավելվածով նախատեսված կարգի 10-րդ, 11-րդ և 22-րդ կետերի դրույթները, Սպարտակ Ավետիսյանի կողմից 15.05.2023թ-ին Թալին համայնքի ղեկավարին ներկայացված դիմումը, 11.05.2023թ. «Հաշվառման (չափագրման) տվյալների մուտքագրման տեղեկանք»-ը ծածկագիր 2023WWMPCQ, և այն հանգամանքը, որ դիմումի առարկա հանդիսացող շինությունները` ինքնակամ կառուցված բնակելի նշանակության օժանդակ շինություններն ու պարիսպը կառուցված չեն քաղաքաշինական նորմերի ու կանոնների էական խախտումներով, չեն գտնվում ինժեներատրանսպորտային օբյեկտների օտարման կամ անվտանգության գոտիներում, չեն առաջացնում հարկադիր սերվիտուտ պահանջելու իրավունք, նաև դրանց պահպանումը չեն խախտում այլ անձանց իրավունքները և վտանգ չեն ներկայացնում քաղաքացիների կյանքին և առողջությանը,

ՈՐՈՇՈՒՄ ԵՄ՝

1.Կառուցապատող Սպարտակ Ավետիսյանի կողմից 02-003-0113-0012 կադաստրային ծածկագրով Թալին համայնքի, ք.Թալին Ռ.Լևոնյան փողոց 46 բնակելի տուն հասցեում գտնվող, սեփականություն հանդիսացող 1227,3քմ մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասի վրա ինքնակամ կառուցված ընդհանուր 112,77քմ արտաքին մակերեսով շինությունները՝ պարիսպը - 4,15քմ, ինչպես նաև թիվ 2 օժանդակ շինությունը - 69,62քմ և թիվ 3 օժանդակ շինությունը - 39քմ, ճանաչել օրինական գույք, որպես Սպարտակ Ավետիսյանի սեփականություն:
2.Որպես օրինականացման վճար գանձել 136339 (մեկ հարյուր երեսունվեց հազար երեք հարյուր երեսունիննը) ՀՀ դրամ (112,77քմ x 1209 ՀՀ դրամ):
3.Սույն որոշումն ուժի մեջ է մտնում վճարման անդորրագիրը ներկայացնելու հաջորդ օրվանից: