Ա Ր Ձ Ա Ն Ա Գ Ր Ո Ւ Թ Յ Ո Ւ Ն

Բն. Դաշտադեմ                                                                   23.01.2025 թ.

ՀԱՆՐԱՅԻՆ  ՔՆՆԱՐԿՈՒՄ

           2025 թվականի հունվարի 23-ին Դաշտադեմ  բնակավայրի վարչական ղեկավարի նստավայրում տեղի ունեցավ  հանրային լսում, որտեղ քննարկման է դրված <<Դաշտադեմի գրադարանը, ծնունդով դաշտադեմցի  բանաստեղծ-արձակագիր  Վռամ Հովսեփյանի անվամբ անվանակոչելու>> վերաբերյալ հարցը:

      Հանրային լսմանը ներկա էին Դաշտադեմի Գ. Բաղդասարյանի անվան միջնակարգ դպրոցի տնօրենը, ուսուցիչներ, Թալինի համայնքապետարանի աշխատակիցներ և բնակավայրի բնակիչներ ՝  թվով 21 մասնակից:

     Բացման խոսքով հանդես եկավ Դաշտադեմ բնակավայրի վարչական ղեկավար Արկադի Մարտիրոսյանը ,ով ներկայացրեց, որ Թալինի համայնքապետարան է դիմել Վռամ Հովսեփյանի դուստրը՝ Մարիամ Հովսեփյանը առ այն, որ Վռամ Հովսեփյանի 100 ամյակը ինչ որ կերպ նշանավորվի  Դաշտադեմ բնակավայրում, որին էլ համայնքապետարանը տվել է իր հավանությունը:

      Հարցի շուրջ ելույթ ունեցան Դաշտադեմի մանկապարտեզի մեթոդիստ Ա.  Հովսեփյանը, Դաշտադեմի դպրոցի ուսուցչուհիներ Ա.Հովսեփյանը  և  Լ. Հովսեփանը, համայնքապետարանի աշխատակից Գ. Սարգսյանը, Դաշտադեմի գրադարանավարուհի Մ. Կարապետյանը: Այս հարցի շուրջ առարկություններ չեղան, ավելին՝ բոլոր ներկաները միաձայն ողջունեցին նախաձեռնությունը:

      Քննարկման արդյունքում որոշվել է. <<Դաշտադեմի գրադարանը Վռամ Հովսեփյանի անվամբ անվանակոչելու>>  հարցը ներկայացնել առաջիկա  ավագանու  նիստին:

                 Վարող՝                                                           Արկադի  Մարտիրոսյան

     Արձանագրող՝                                                          Գոհար  Սարգսյան