Հարգելի՝ քաղաքացիներ
Տեղեկացնում ենք, որ 2025 թվականի ընթացքում հաճախակիացել են «Զվարթնոց» օդանավակայան ժամանող/մեկնող օդանավերի անձնակազմերի վրա լազերային հարձակումները, որոնք իրական վտանգ են ներկայացնում օդանավերի թռիչքային անվտանգության համար և կարող են հանգեցնել անկանխատեսելի հետևանքների։ Լազերային հարձակումներն իրականացվում են հիմնականում երեկոյան ժ.19։00-ից մինչև ժ.00։01-ն ընկած ժամանակահատվածներում, «Զվարթնոց» օդանավակայանի թռիչքուղուն զուգահեռ՝ Արմավիրի, Արագածոտնի, Արարատի մարզերի բնակավայրերի տարածքներից։
Քանի որ «Զվարթնոց» օդանավակայան ժամանող/մեկնող օդանավերը նշված տարածքներում գտնվում են ոչ մեծ բարձրությունների վրա, հետևաբար լազերային հարձակումներն դեպքերի հետևանքով հնարավոր է օդանավերի վթարների ու աղետների առաջացում։
Ելնելով վերոգրյալից՝ խնդրում ենք աջակցել «Զվարթնոց» օդանավակայան ժամանող/մեկնող օդանավերի թռիչքային անվտանգության դեմ ուղղված գործողությունների կանխմանը։
Թալինի համայնքապետարան