Ղեկավարվելով ՀՀ Քաղաքացիական օրենսգրքի 188-րդ հոդվածի 2-րդ մասի 2-րդ պարբերությամբ և 4-րդ մասով և հիմք ընդունելով ՀՀ կառավարության 2006թ. մայիսի 18-ի 912-Ն որոշման հավելվածով նախատեսված կարգի 10-րդ, 11-րդ և 22-րդ կետերը, Արմեն Գրիգորյանի կողմից 07․05.2026թ. Թալին համայնքի ղեկավարին ներկայացված դիմումը, 28․04.2026թ. «Հաշվառման (չափագրման) տվյալների մուտքագրման տեղեկանք»-ը՝ ծածկագիր 2026JBS3SZ, և այն հանգամանքը, որ դիմումի առարկա հանդիսացող շինությունը՝ ինքնակամ կառուցված ավտոտնակը կառուցված չէ քաղաքաշինական նորմերի ու կանոնների էական խախտումներով`ստացել է <Ա․Ռ․Մ․ՇԻՆ>ՍՊԸ-ի /լիցենզիա16029/ կողմից դրական եզրակացություն, չեն գտնվում ինժեներատրանսպորտային օբյեկտների օտարման կամ անվտանգության գոտիներում, չեն առաջացնում հարկադիր սերվիտուտ պահանջելու իրավունք, նաև դրանց պահպանումը չեն խախտում այլ անձանց իրավունքները և վտանգ չեն ներկայացնում քաղաքացիների կյանքին ու առողջությանը,

ՈՐՈՇՈՒՄ ԵՄ՝

1. Թալին համայնքի Արագածավան բնակավայրի Հոկտեմբերյան խճուղի,16/15 ավտոտնակ հասցեում գտնվող, համայնքային սեփականություն հանդիսացող 02-016-0012-0409-ից, 02-016-0012-0668-ից և 02-016-0012-0092-ից կադաստրային ծածկագրով հողամասից առանձնացված 111,6քմ մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասի վրա ինքնակամ կառուցված ընդհանուր 66 քմ արտաքին մակերեսով ավտոտնակը ճանաչել օրինական գույք, որպես համայնքի սեփականություն:

2. Առաջարկել կառույցն իրականացրած Արմեն Գրիգորյանին գնել օրինական ճանաչված 66 քմ ընդհանուր մակերեսով շինության՝ ավտոտնակ 1քմ-ի օտարման վճար 874 (ութ հարյուր յոթանասունչորս) ՀՀ դրամ, իսկ 111,6քմ հողամասի 1քմ-ի օտարման համար վճարելով կադաստրային արժեքի չափով 514,8 (հինգ հարյուր տասնչորս դրամ ութանասուն լումա) ՀՀ դրամ։