Հիմք ընդունելով այն հանգամանքը, որ 2026 թվականի ընթացքում փոսալցման աշխատանքների կատարման ժամանակ եղանակային անբարենպաստ պայմանների՝ անձրևների և ձնհալի հետևանքով, ճանապարհների առանձին հատվածներում առաջացել են նոր փոսեր և անհարթություններ, ինչպես նաև առկա փոսալցումների չափագրման տվյալների միջև արձանագրվել են էական տարբերություններ, ինչի հետևանքով խոչընդոտվում է տրանսպորտային միջոցների բնականոն և անվտանգ երթևեկությունը՝ անհրաժեշտություն է առաջացել սեղմ ժամկետներում իրականացնել լրացուցիչ փոսալցման շինարարական աշխատանքներ։
Հաշվի առնելով աշխատանքների հրատապությունը և համայնքի բնակավայրերում երթևեկության անվտանգությունն ու բնականոն կազմակերպումն ապահովելու անհրաժեշտությունը՝ և ղեկավարվելով ՀՀ կառավարության 2017 թվականի մայիսի 4-ի N 526-Ն որոշմամբ հաստատված «Գնումների գործընթացի կազմակերպման» կարգի 23-րդ կետի 5-րդ ենթակետով՝ անհրաժեշտ է կազմակերպել համապատասխան շինարարական աշխատանքների ձեռքբերման գործընթացը։

ՈՐՈՇՈՒՄ ԵՄ`

1. ՀՀ Արագածոտնի մարզի Թալին համայնքի մի շարք բնակավայրերում արհեստական անհարթությունների, փոսալցման և ճաքալցման աշխատանքների ձեռքբերման գործընթացը կազմակերպել հրատապ մեկ անձից գնման ընթացակարգով։
2. Սույն որոշումն ուժի մեջ է մտնում ստորագրման պահից։