Ղեկավարվելով՝ «Տեղական ինքնակառավարման մասին» Հայաստանի Հանրապետության օրենքի 36-րդ հոդվածի 1-ին մասի 3-րդ կետով, 39-րդ հոդվածով և «Հավաքների ազատության մասին» Հայաստանի Հանրապետության օրենքի 11-րդ և 20-22-րդ հոդվածներով, հիմք ընդունելով «Բարգավաճ Հայաստան» կուսակցության լիազոր ներկայացուցչի Նունե Դավթյանի իրազեկումը,

ՈՐՈՇՈՒՄ ԵՄ ՝

1.«Բարգավաճ Հայաստան» կուսակցության լիազոր ներկայացուցչի իրազեկումը 2026 թվականի մայիսի 16-ին հանրային հավաք կազմակերպելու մասին ընդունել ի գիտություն։

2.Հանդիպումն անցկացնել իրազեկման մեջ նշված վայրում և ժամկետում.

1)հավաքի սկիզբը` ժամը 12։00-ին, ավարտը 13։00-ին Արագածավան բնակավայրի Բաղրամյան փողոցի Սուրբ Ամենափրկիչ եկեղեցու հարակից տարածք

3.Աշխատակազմի քարտուղարին՝ սույն որոշման մասին տեղեկացնել հանրային հավաքի կազմակերպիչներին և ՀՀ ՆԳՆ Ոստիկանության Թալինի բաժին, ինչպես նաև համապատասխան որոշումը փակցնել համայնքապետարանի վարչական շենքում՝ բոլորի համար մատչելի և տեսանելի տեղում: Որոշումը տեղադրել նաև համայնքապետարանի պաշտոնական կայքում:

4. Որոշումն ուժի մեջ է մտնում համայնքապետարանի վարչական շենքում այն փակցվելու պահից: