ՀԱՆՐԱՅԻՆ ՔՆՆԱՐԿՈՒՄՆԵՐԻ ՀՐԱՎԵՐ
13.08.2019թ.
Սույնով Թալինի համայնքապետարանը հրավիրում է բոլոր շահագրգիռ ֆիզիկական և իրավաբանական անձանց մասնակցելու 2019 թվականի օգոստոսի 13-ից մինչև օգոստոսի 30-ը իրականացվող՝ համայնքի քաղաքաշինական ծրագրին համապատասխան հողերի օգտագործման տրամադրման ու օտարման, համայնքի սեփականություն հանդիսացող անշարժ գույքի օտարման և համայնքի բյուջեում փոփոխություններ կատարելու վերաբերյալ համայնքի ավագանու որոշման նախագծերի կազմակերպվող հանրային քննարկումներին:
Շահագրգիռ անձինք Թալինի պաշտոնական համացանցային կայքում հրապարակված նախագծի վերաբերյալ կարող են մինչև 2019 թվականի օգոստոսի 30-ը ներկայացնել իրենց առաջարկություններն ու դիտողությունները, որոնք կարող են թողնվել համացանցային կայքում (talin.am) կամ ուղարկվել համապատասխան էլեկտրոնային հասցեով (taliniqaxaqapetaran@list.ru) ինչպես նաև կարող են գրավոր ներկայացվել Թալինի համայնքապետարան:
Հանրային քննարկումների ընթացքում 2019 թվականի օգոստոսի 30-ին, ժամը 11:00-ին Թալինի համայնքապետարանի դահլիճում տեղի կունենան հանրային բաց լսումներ:
Լսումներին մասնակցելու համար անհրաժեշտ է մինչև 2019 թվականի օգոստոսի 29-ը ներառյալ ներկայացնել դիմում:
Թալինի համայնքապետարան