|
16.03.26
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
16.03.26
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ
|
Համայնքի ղեկավար Տավրոս Սափեյանի գլխավորությամբ տեղի ունեցավ աշխատանքային խորհրդակցություն, որին մասնակցում էին համայնքապետարանի ղեկավար կազմը, կոմունալ ծառայության և այլ ոլորտային պատասխանատուներ։ Խորհրդակցության ընթացքում քննարկվեցին առաջիկա միջոցառումների կազմակերպման աշխատանքները, ինչպես նաև համայնքում իրականացվող ծրագրերի և ընթացիկ աշխատանքների կատարման ընթացքը։ Համայնքի ղեկավարը պատասխանատուներին տվեց համապատասխան հանձնարարականներ՝ աշխատանքները առավել արդյունավետ կազմակերպելու և սահմանված ժամկետներում իրականացնելու համար։ |
|
|
14.03.26
ՎԱՐՊԵՏԱՑ ԴԱՍ ԱՇՆԱԿ ԲՆԱԿԱՎԱՅՐՈՒՄ
|
|
Աշնակ բնակավայրում տեղի ունեցավ հետաքրքիր և ստեղծագործական մթնոլորտով հագեցած վարպետաց դաս։ Միջոցառմանը ներկա էին Թալինի համայնքապետարանի ԿՄՍԵ հարցերի բաժնի պետ Լուսինե Ավագյանը և Թալինի մշակույթի կենտրոն ՀՈԱԿ-ի տնօրեն Նելլի Սիմոնյանը։ Լիանա Ավագյանի նախաձեռնությամբ գործող «Հմուտ ձեռքեր» խմբակում կազմակերպվել էին բատիկայի և դեկուպաժի վարպետաց դասեր։ Բատիկայի վարպետաց դասը վարեց «Սաղարթ Արտ»-ի հիմնադիր Արմենուհի Սաղդասարյանը, իսկ դեկուպաժի վարպետաց դասը՝ Գոհար Ավագյանը։ Միջոցառման մշակութային հատվածում ելույթ ունեցան Աշնակի «Վերելք» երգի-պարի համույթի ավագ և միջին խմբերի սաները՝ ստեղծելով ջերմ, տոնական և ստեղծագործական մթնոլորտ։
|
|
|
13.03.26
ԲԱԶՄԱԲՆԱԿԱՐԱՆ ՇԵՆՔԵՐԻ ՄՈՒՏՔԵՐԻ ԲԱՐԵԿԱՐԳՄԱՆ ԱՇԽԱՏԱՆՔՆԵՐ
|
|
Թալին համայնքի միջոցներով Արտենի բնակավայրում իրականացվել են բազմաբնակարան շենքերի մուտքերի բարեկարգման աշխատանքներ։ Ծրագրի շրջանակում բազմաբնակարան շենքերում փոխարինվել են մուտքերի հին դռներն ու պատուհանները՝ տեղադրվելով նոր և ժամանակակից դռներ ու պատուհաններ։ Իրականացված աշխատանքները միտված են շենքերի ընդհանուր վիճակի բարելավմանը, բնակիչների համար առավել հարմարավետ պայմանների ապահովմանը և բնակավայրի բարեկարգ տեսքի ձևավորմանը։
|
|
|
13.03.26
ԴԱՍԸՆԹԱՑ՝ «ՕԴԱՅԻՆ ՏԱԳՆԱՊ ԵՎ ԳՈՐԾՈՂՈՒԹՅՈՒՆՆԵՐԸ ԱՐՏԱԿԱՐԳ ԻՐԱՎԻՃԱԿՆԵՐԻ ԴԵՊՔՈՒՄ» ԹԵՄԱՅՈՎ
|
|
«ԱՄՔՈՐ Հայաստան» բարեգործական հիմնադրամի ներկայացուցիչները, Թալինի համայնքապետարանի քաղաքացիական պաշտպանության մասնագետ Գարիկ Մխիթարյանի հետ համատեղ, Կաթնաղբյուրի Մուշեղ Գալշոյանի անվան միջնակարգ դպրոցում անցկացրին դասընթաց՝ «Օդային տագնապ և գործողությունները արտակարգ իրավիճակների դեպքում» թեմայով։ Դասընթացի ընթացքում աշակերտներին ներկայացվեցին արտակարգ իրավիճակներում ճիշտ և արագ կողմնորոշվելու կանոնները, օդային տագնապի ազդանշանի դեպքում իրականացվող գործողությունները, ինչպես նաև անվտանգության հիմնական սկզբունքները։
|
|
|
12.03.26
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ
|
Թալին համայնքի ղեկավար Տավրոս Սափեյանը Թալինի համայնքապետարանում անցկացրեց քաղաքացիների հերթական ընդունելությունը։ Ընդունելության ընթացքում համայնքի բնակիչները ներկայացրեցին իրենց հուզող հարցերն ու խնդիրները, որոնք հիմնականում վերաբերում էին համայնքային ենթակառուցվածքներին, սոցիալական և կենցաղային տարբեր խնդիրների։ Համայնքի ղեկավարը լսեց քաղաքացիների առաջարկներն ու դիտարկումները, տվեց համապատասխան հանձնարարականներ պատասխանատու ստորաբաժանումներին՝ բարձրացված հարցերին հնարավորինս արագ և արդյունավետ լուծումներ տալու համար։ Քաղաքացիների ընդունելությունները համայնքապետարանում կրում են շարունակական բնույթ՝ նպատակ ունենալով անմիջական կապ ապահովել բնակիչների հետ և արագ արձագանքել նրանց խնդիրներին։ |
|
|
12.03.26
ԹԱԼԻՆ ՀԱՄԱՅՆՔԻ ՂԵԿԱՎԱՐ ՏԱՎՐՈՍ ՍԱՓԵՅԱՆԻ ԱՇԽԱՏԱՆՔԱՅԻՆ ԱՅՑԸ ԹԱԹՈՒԼ ԲՆԱԿԱՎԱՅՐ
|
|
Թալին համայնքի ղեկավար Տավրոս Սափեյանը, համայնքապետարանի ղեկավար կազմի և ոլորտային պատասխանատուների հետ միասին, աշխատանքային հանդիպում ունեցավ Թաթուլ բնակավայրի բնակիչների հետ։ Հանդիպման ընթացքում բնակիչները բարձրացրին հուզող մի շարք հարցեր՝ կապված ճանապարհների, ենթակառուցվածքների, կոմունալ ծառայությունների և այլ ոլորտների հետ։ Համայնքի ղեկավարը լսեց բնակիչների առաջարկներն ու մտահոգությունները, տրվեցին համապատասխան պարզաբանումներ և նախանշվեցին խնդիրների լուծման հնարավոր ուղիները։
|
|
|
11.03.26
ՀԱՄԱՅՆՔՈՒՄ ՄԵԿՆԱՐԿԵԼ ԵՆ ԴԱՇՏԱՄԻՋՅԱՆ ԱՇԽԱՏԱՆՔՆԵՐԸ
|
Թալին համայնքի Արտենի բնակավայրում մեկնարկել են դաշտամիջյան ճանապարհների մաքրման և հարթեցման աշխատանքները։ Աշխատանքների նպատակն է բարելավել գյուղատնտեսական նշանակության հողատարածքներ տանող ճանապարհների վիճակը՝ ապահովելով գյուղացիների համար ավելի հարմար և անվտանգ մուտք դեպի իրենց հողատարածքներ։ Թալին համայնքապետարանը հետևողականորեն իրականացնում է նման աշխատանքներ համայնքի տարբեր բնակավայրերում՝ աջակցելով գյուղատնտեսական աշխատանքների արդյունավետ կազմակերպմանը։ |
|
| 1 2 3 4 5 6 7 8 9 10 ... |