ՆԱԽԱԳԻԾ

ՀՀ   Թալին   համայնքի  ղեկավարի  որոշման  կարգավորման  առարկան

Քաղաքացի  Սեյրան Թութխալյանը  հանդիսանալով անհատ ձեռներեց, չի կատարել  2018թ. հունվարի 30-ի N46 պայմանագրով նախատեսված` 3.1 կետով սահմանված պարտականությունը, ինչի կապակցությամբ 2018 թվականի  դեկտեմբերի 12-ին <<Վարչարարության հիմունքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>> ենթակետի հիմքով Թալինի համայնքապետարանի աշխատակազմում հարուցվել է վարույթ՝ տեղական տուրքի չմարված պարտավորության

գումարի գանձման հարցի  քննության  նպատակով: <<Վարչարարության հիմունքների  և վարչական վարույթի մասին>> Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.

Վարչական  ակտ  ընդունելու  համար հիմք հանդիսացող փաստերը.

Սեյրան Թութխալյանը հանդիսանալով անհատ ձեռներեց, չի կատարել ոգելից խմիչքի և ծխախոտի վաճառքի թույլտվության 2018թ. հունվարի 30-ի N46 պայմանագրով նախատեսված պարտավորությունները:

Աշխատակազմի եկամուտների հաշվառման և հավաքագրման բաժնի կողմից  12.12.2018թ. տրված տեղեկանքների` տեղական տուրքի վճարման ենթակա հարկը կազմում է  80000/ութսուն հազար/ ՀՀ դրամ, ինչը պայմանագրով սահմաված ժամկետներում չի վճարվել: 2018 թվականի դեկտեմբերի 12-ին <<Վարչարարության հիմուքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>>կետի հիմքով Թալինի համայնքապետարանում հարուցված վարչական վարույթի շրջանակներում  2018 թվականի դեկտեմբերի 24-ին հրավիրվել է վարչական վարութի լսում, որին մասնակցելու նպատակով պատշաճ ծանուցվել և չի ներկայացել քաղաքացի Սեյրան Թութխալյանը /փոստ անդորագիր 15.12.2018թ/: Վարչական վարույթի լսումն իրականացվել է պատշաճ ծանուցված  քաղաքացի  Սեյրան Թութխալյանի բացակայությամբ:

Վարչական ակտ ընդունելու հիմնավորումը.

  ՀՀ Սահմանադրության 60-րդ հոդվածի 8-րդ մասի համաձայն` յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ:

Համաձայն <<Տեղական ինքնակառավարման մասին>> ՀՀ օրենքի, <<Վարչարարության հիմունքների և վարչական վարույթի մասին>> ՀՀ օրենքի 53-րդ, 58-60-րդ հոդվածների, <<Տեղական տուրքերի և վճարների մասին>> ՀՀ օրենքի, <<Ոգելից խմիչքի և ծխախոտի վաճառքի թույլտվության>> 2018թ. հունվարի 30-ի N46 պայմանագրի 3.1կետի`

                                                              ՈՐՈՇՈՒՄ  ԵՄ`

 1.Քաղաքացի Սեյրան Թութխալյանից հօգուտ  Թալին համայնքի  բյուջե գանձել 80000/ութսուն հազար/ՀՀ դրամ:

2.Սույն որոշումը կարող է վարչական կարգով բողոքարկվել Թալին համայնքի  ղեկավարին՝ դրա ուժի մեջ մտնելու օրվանից երկու ասվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում:

 3.Սույն որոշման պահանջները չկատարելու դեպքում, <<Վարչարարության հիմունքների և վարչական վարույթի մասին>> ՀՀ օրենքի 88-րդ հոդվածով սահմաված կարգով այն ենթակա է հարկադիր կատարման՝ՀՀ ԱՆ ՀԿԱ ծառայության միջոցով՝ անբողոքարկելի դառնալուց հետո եռամսյա ժամկետում:

 4.Սույն որոշման կատարման ընթացքի նկատմամբ հսկողությունն իրականացնում է Թալին համայնքի ղեկավարը: