ՀՀ Թալին համայնքի ղեկավարի որոշման կարգավորման առարկան
Քաղաքացի Հմայակ Վոլոդիայի Երանոսյանը հանդիսանալով աղբահանության վճար վճարող ֆիզիկական անձ, չի կատարել 2018թ. հունվարի 01-ի N461 պայմանագրով նախատեսված` 2-րդ կետով սահմանված պարտականությունները, ինչի կապակցությամբ 2019 թվականի դեկտեմբերի 20-ին <<Վարչարարության հիմունքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>> ենթակետի հիմքով Թալինի համայնքապետարանի աշխատակազմում հարուցվել է վարույթ՝ աղբահանության գումարի գանձման հարցի քննության նպատակով: <<Վարչարարության հիմունքների և վարչական վարույթի մասին>> Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.
Վարչական ակտ ընդունելու համար հիմք հանդիսացող փաստերը.
Քաղաքացի Հմայակ Վոլոդիայի Երանոսյանը հանդիսանալով աղբահանության վճար վճարող ֆիզիկական անձ, չի կատարել աղբահանության 2018թ. հունվարի 01-ի N461 պայմանագրով նախատեսված պարտավորությունները:
<<Թալինի կոմունալ ծառայության>> ՀՈԱԿ-ի կողմից 20.12.2019թ. տրված տեղեկանքի` աղբահանման դիմաց վճարման ենթակա գումարը կազմում է 22800/քսաներկու հազար ութ հարյուր/ ՀՀ դրամ, ինչը պայմանագրով սահմանված ժամկետներում չի վճարվել: 2019 թվականի դեկտեմբերի 20-ին <<Վարչարարության հիմուքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>> կետի հիմքով Թալինի համայնքապետարանում հարուցված վարչական վարույթի շրջանակներում 2019 թվականի դեկտեմբերի 30-ին հրավիրվել է վարչական վարութի լսում, որին մասնակցելու նպատակով պատշաճ ծանուցվել և չի ներկայացել քաղաքացի Հմայակ Վոլոդիայի Երանոսյանը /փոստ անդորագիր 24.12.2019թ/: Վարչական վարույթի լսումն իրականացվել է պատշաճ ծանուցված քաղաքացի Հմայակ Վոլոդիայի Երանոսյանի բացակայությամբ:
Վարչական ակտ ընդունելու հիմնավորումը.
ՀՀ Սահմանադրության 60-րդ հոդվածի 8-րդ մասի համաձայն` յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ:
Համաձայն <<Տեղական ինքնակառավարման մասին>> ՀՀ օրենքի, <<Վարչարարության հիմունքների և վարչական վարույթի մասին>> ՀՀ օրենքի 53-րդ, 58-60-րդ հոդվածների, <<Աղբահանության և սանիտարական մաքրման մասին>> ՀՀ օրենքի 5-րդ, 6-րդ հոդվածների, 2018թ. հունվարի 01-ի N461 պայմանագրի 2 կետի`
ՈՐՈՇՈՒՄ ԵՄ`
1.Քաղաքացի Հմայակ Վոլոդիայի Երանոսյանից հօգուտ Թալին համայնքի բյուջե գանձել է 22800/քսաներկու հազար ութ հարյուր/ՀՀ դրամ:
2.Սույն որոշումը կարող է վարչական կարգով բողոքարկվել Թալին համայնքի ղեկավարին՝ դրա ուժի մեջ մտնելու օրվանից երկու ասվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում:
3.Սույն որոշման պահանջները չկատարելու դեպքում, <<Վարչարարության հիմունքների և վարչական վարույթի մասին>> ՀՀ օրենքի 88-րդ հոդվածով սահմաված կարգով այն ենթակա է հարկադիր կատարման՝ՀՀ ԱՆ ՀԿԱ ծառայության միջոցով՝ անբողոքարկելի դառնալուց հետո եռամսյա ժամկետում:
4.Սույն որոշման կատարման ընթացքի նկատմամբ հսկողությունն իրականացնում է Թալին համայնքի ղեկավար: