ՆԱԽԱԳԻԾ

Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, ՀՀ հողային օրենսգրքի 3-րդ հոդվածի 1-ին կետով և ՀՀ կառավարության 29.12.2011թ․ թիվ 1918-Ն որոշմամբ հաստատված կարգի 17-րդ կետով, հիմք ընդունելով ՀՀ վարչապետի 2009թ․ դեկտեմբերի 22-ի N 1064-Ա որոշմամբ ստեղծված ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 10․07․2024թ․ N–2/փ-280 դրական եզրակացությունը և Թալին համայնքի ավագանու 10․09․2024թ․ N 97-Ա որոշումը, հաշվի առնելով որ համաձայն ՀՀ կադաստրի կոմիտեից ստացված թիվ ԱՏ-17092024-02-0513 տեղեկատվության հողամասի կադաստրային արժեքը նպատակային նշանակության փոփոխման պահին կազմում է 100,700 ՀՀ դրամ և փոփոխությունից հետո կադաստրային արժեքների տարբերության գանձման անհրաժեշտություն չի առաջանում․

ՈՐՈՇՈՒՄ ԵՄ ՝

1. Հաստատել քաղաքացի Սողոմոն Խաչատրյանի սեփականությունը հանդիսացող 02-036-0108-0037 կադաստրային ծածկագրով 0,04 հա մակերեսով հողամասի նպատակային և գործառնական նշանակությունների փոփոխությունը՝ գյուղատնտեսական նպատակային նշանակության կորիզավոր հողերից, բնակավայրերի նպատակային նշանակության, բնակելի կառուցապատման գործառնական նշանակության հողերի։
2. «Քաղաքաշինության մասին» ՀՀ օրենքի 14.3-րդ հոդվածի 30-րդ մասի համաձայն, նշված փոփոխությունը արտացոլել համայնքի ընթացիկ քաղաքաշինական քարտեզում և կատարել հողամասի նպատակային և գործառնական նշանակության փոփոխության պետական գրանցում։
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։