Ղեկավարվելով ՀՀ Քաղաքացիական օրենսգրքի 188-րդ հոդվածով և հիմք ընդունելով ՀՀ կառավարության 2006թ. մայիսի 18-ի 912-Ն որոշման հավելվածով նախատեսված կարգի 10-րդ, 11-րդ և 22-րդ կետերը, Լյուդմիլա Տեփանոսյանի կողմից 23.11.2023թ. Թալին համայնքի ղեկավարին ներկայացված դիմումը, 04.07.2023թ. «Հաշվառման (չափագրման) տվյալների մուտքագրման տեղեկանք»-ը՝ ծածկագիր 20237AZUTL, և այն հանգամանքը, որ դիմումի առարկա հանդիսացող շինությունները՝ ինքնակամ կառուցված բնակելի տուն 1-ին հարկը, բնակելի տուն 2-րդ հարկը և երկու բ/պ-ները կառուցված չեն քաղաքաշինական նորմերի ու կանոնների էական խախտումներով, չեն գտնվում ինժեներատրանսպորտային օբյեկտների օտարման կամ անվտանգության գոտիներում, չեն առաջացնում հարկադիր սերվիտուտ պահանջելու իրավունք, նաև դրանց պահպանումը չեն խախտում այլ անձանց իրավունքները և վտանգ չեն ներկայացնում քաղաքացիների կյանքին ու առողջությանը․

ՈՐՈՇՈՒՄ ԵՄ`

1․Թալին համայնքի, Զարինջա բնակավայր, 13-րդ փողոց 9 հողամաս հասցեում գտնվող, համայնքային սեփականություն հանդիսացող 02-044-0106-0104-ից կադաստրային ծածկագրով հողամասից առանձնացված 650քմ մակերեսով բնակավայրերի նպատակային նշանակության բնակելի կառուցապատում գործառնական նշանակության հողամասի վրա ինքնակամ կառուցված ընդհանուր 296.38քմ արտաքին մակերեսով շինությունները՝ բնակելի տուն 1-ին հարկը, բ/պ-ն - 143.48քմ և բնակելի տուն 2-րդ հարկը, բ/պ-ն – 152.90քմ ճանաչել օրինական գույք, որպես համայնքի սեփականություն:
2․ Առաջարկել կառույցն իրականացրած Լյուդմիլա Տեփանոսյանին գնել օրինական ճանաչված 296.38քմ ընդհանուր մակերեսով շինությունները՝ 1քմ-ի օտարման համար վճարելով 1368 (մեկ հազար երեք հարյուր վաթսունութ) ՀՀ դրամ, իսկ 650քմ հողամասի 1քմ-ի օտարման համար վճարելով կադաստրային արժեքի չափով 92.4 (իննսուներկու ամբողջ չորս տասնորդական) ՀՀ դրամ:
3․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից: