ՆԱԽԱԳԻԾ

Ուսումնասիրելով Թալինի համայնքապետարանի քաղաքաշինության և հողաշինության բաժնի՝ «ԴԱՐԻ ՔԱՐ» ՍՊԸ-ի տնօրեն Մխիթար Մանուկի Մխիթարյանի կողմից Թալին համայնքի Կաքավաձոր բնակավայրի վարչական տարածքում հողամասը ոչ նպատակային օգտագործելու վերաբերյալ 11․11․2025թ․ ներկայացված զեկուցագիրը և կից փաստաթղթերը․

ՊԱՐԶՎԵԼ Է՝

Թալին համայնքի Կաքավաձոր բնակավայրի վարչական տարածքում «ԴԱՐԻ ՔԱՐ» ՍՊԸ-ի տնօրեն Մխիթար Մխիթարյանի կողմից իրականացվում է ընդերքօգտագործում առանց հողատեսքի նպատակային և գործառնական նշանակությունների համապատասխան փոխոխության, այդ կերպ թույլ տալով «Վարչական իրավախախտումների վերաբերյալ» ՀՀ օրենսգրքի 54-րդ հոդվածի 1-ին մասով նախատեսված առերևույթ խախտում։
Ելնելով վերոգրյալից և ղեկավարվելով «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի բ) կետով, 3-րդ մասով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, «Վարչական իրավախախտումների վերաբերյալ» ՀՀ օրենքի 54-րդ հոդվածի 1-ին մասով, 2449 հոդվածով,

ՈՐՈՇՈՒՄ ԵՄ`

1․«ԴԱՐԻ ՔԱՐ» ՍՊԸ-ի տնօրեն Մխիթար Մանուկի Մխիթարյանի նկատմամբ Թալին համայնքի Կաքավաձոր բնակավայրի վարչական տարածքում հողամասը ոչ նպատակային նշանակության օգտագործելու հիմքով հարուցել վարչական իրավախախտման վերաբերյալ վարույթ։
2․Վարչական իրավախախտումների հարցերով հանձնաժողովի նախագահ՝ Ա․Պողոսյանին
- Սույն որոշման 1-ին կետն ընդունել ի գիտություն և վարչական վարույթն իրականացնել Հայաստանի Հանրապետության օրենսդրության պահանջներին համապատասխան։ 3․Սույն որոշումն ուժի մեջ է մտնում պաշտոնական հրապարակմանը հաջորդող օրվանից։