ՀՀ   Թալին   համայնքի  ղեկավարի  որոշման  կարգավորման  առարկան

Քաղաքացի  Էռնեստ Աշոտի Ասլանյանը / Էրիկ Աշոտի Կարապետյան /  հանդիսանալով հողի հարկ վճարող սուբյեկտ, <<Հողի հարկի մասին>> ՀՀ օրենքով սահմանված կարգով չի կատարել հողի հարկ վճարելու պարտականությունները, ինչի կապակցությամբ 2018 թվականի  նոյեմբերի
 23-ին <<Վարչարարության հիմունքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>> ենթակետի հիմքով Թալինի համայնքապետարանի աշխատակազմում հարուցվել է վարույթ՝ հողի հարկի գումարի գանձման հարցի  քննության  նպատակով: <<Վարչարարության հիմունքների  և վարչական վարույթի մասին>> Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.

Վարչական  ակտ  ընդունելու  համար հիմք հանդիսացող  փաստերը.

Համաձայն ՀՀ ԿԱ ԱԳԿ ՊԿ կողմից տրված  տվյալների ք.Թալինի  վարչական տարածքում գտնվող 0.817, 0.854, 0.257 ՀԱ հողատարածքները գյուղատնտեսական  նշանակության՝/ կադաստրային ծածկագրեր՝ 02-003-214-621, 02-003-214-017, 02-003-224-294/ հանդիասնում են քաղաքացի Էռնեստ Աշոտի Ասլանյանի / Էրիկ Աշոտի Կարապետյան /   սեփականությունը, ինչը  <<Հողի հարկի մասին>>  ՀՀ օրենքնով հանդիսանում են հարկվող օբյեկտներ: Համաձայն աշխատակազմի եկամուտների հաշվառման և հավաքագրման բաժնի կողմից  23.11.2018թ տրված տեղեկանքի հողամասերի համար վճարման ենթակա հարկը 23.11.2018թ  դրությամբ՝ ներառյալ օրենքով սահմաված ժամկետում չվճարելու արդյունքում  առաջացած  տույժը,  կազմում է  41339 /քառասունմեկ հազար երեք հարյուր երեսունինը/ ՀՀ դրամ  /2018թ. ներառյալ/, ինչը օրենքով սահմաված ժամկետներում չի վճարվել: 2018 թվականի նոյեմբերի 23-ին <<Վարչարարության հիմուքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>>կետի հիմքով Թալինի համայնքապետարանում հարուցված վարչական վարույթի շրջանակներում  2018 թվականի դեկտեմբերի 11-ին հրավիրվել է վարչական վարութի լսում, որին մասնակցելու նպատակով պատշաճ ծանուցվել, սակայն ծանուցումը մերժել  և չի ներկայացել քաղաքացի Էռնեստ Աշոտի Ասլանյանը / Էրիկ Աշոտի Կարապետյան / ,  /փոստ անդորագիր 29.12.2018թ/: Վարչական վարույթի լսումն հետաձգվել և իրականացվել է պատշաճ ծանուցված  քաղաքացի  Էռնեստ Աշոտի Ասլանյանի  բացակայությամբ:

Վարչական ակտ ընդունելու հիմնավորումը.

ՀՀ Սահմանադրության 60-րդ հոդվածի 8-րդ մասի համաձայն` յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ: Համաձայն <<Հողի հարկի  մասին>> ՀՀ  օրենքի 1-ին հոդվածի՝ հողի հարկի վճարողներ են հանդիսանում հողի սեփականատերերը, պետական սեփականություն  հանդիսացող հողի մշտական օգտագործողները:

Համաձայն <<Հողի հարկի  մասին>> ՀՀ  օրենքի 1-ին հոդվածի՝ հողի հարկի վճարողներ են հանդիսանում հողի սեփականատերերը, պետական սեփականություն  հանդիսացող հողի մշտական օգտագործողները:

Համաձայն <<Հողի հարկի մասին>>  ՀՀ օրենքի 16-րդ հոդվածի՝ հողի հարկի գումարը համայնքի վարչական սահմաններում գտնվող հողամասերի համար վճարվում է հարկվող   օբյեկտի գտնվելու  վայրի  համայնքի  բյուջե:

Համաձայն <<Հարկային օրենսգրքի>> 401 հոդվածի՝ հարկի վճարումը սահմանված ժամկետներից ուշացնելու դեպքում ժամկետանց  յուրաքանչյուր օրվա համար հարկ վճարողը վճարում է տույժ՝ ժամանակին չմուծված հարկի գումարի 0,075 տոկոսի չափով յուրաքանչյուր օրվա համար:

Համաձայն <<Հարկային օրենսգրքի>> 397 հոդվածի 1-ին մասի՝ հարկային պարտավորությունների գծով գումարների վճարումը սահմաված ժամկետից ուշացնելու դեպքում տեղական ինքնակառավարման մարմինը որոշում է կայացնում հարկ վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում վերջինիս:
Ելնելով վերոգրյալից և ղեկավարվելով <<Հողի հարկի մասին>> ՀՀ օրենքի 1-ին,16-րդ, <<Հարկային օրենսգրքի>> 397 հոդվածի 1-ին, <<Վարչարարության հիմունքների և վարչական վարույթի մասին>> ՀՀ օրենքի 53-րդ, 58-60-րդ հոդվածներով՝

ՈՐՈՇՈՒՄ  ԵՄ`

1.Քաղաքացի Էռնեստ Աշոտի Ասլանյանից / Էրիկ Աշոտի Կարապետյան / հօգուտ  Թալին համայնքի  բյուջե գանձել 41339 /քառասունմեկ հազար երեք հարյուր երեսունինը/ ՀՀ դրամ, որից 28088 ՀՀ դրամ  հողի  հարկի  գծով վճարման ենթակա ապառք գումար, 13251 ՀՀ դրամ պարտավորությունը ժամանակին չկատարելու արդյունքում  հաշվարկված տույժ /2018թ. նոյեմբերի 23-ը ներառյալ/,
2.Սույն որոշումը կարող է վարչական կարգով բողոքարկվել Թալին համայնքի  ղեկավարին՝ դրա ուժի մեջ մտնելու օրվանից երկու ամսվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում:
3.Սույն որոշման պահանջները չկատարելու դեպքում, <<Վարչարարության հիմունքների և վարչական վարույթի մասին>> ՀՀ օրենքի 88-րդ հոդվածով սահմաված կարգով այն ենթակա է հարկադիր կատարման՝ ՀՀ ԱՆ ՀԿԱ ծառայության միջոցով՝ անբողոքարկելի դառնալուց հետո եռամսյա ժամկետում:
4.Սույն որոշման կատարման ընթացքի նկատմամբ հսկողությունն իրականացնում է Թալին համայնքի ղեկավարը: