Թալին համայնքի ղեկավար Ս.Արամյանս, քննարկելով <<05>> փետրվարի 2020թ-ին կազմված թիվ 01 արձանգրության նյութերը պարզեցի, որ անհատ ձեռներեց Ասյա Շամիրի Պետրոսյանը առանց համապատասխան թույլտվության ք. Թալինի Խանջյան 21/2 հասցեում իրականացնում է ծխախոտի և ոգելից խմիչքի վաճառք, որի համար պատասխանատվություն է նախատեսվում <<Վարչական իրավախախտումների վերաբերյալ>> ՀՀ օրենսգրքի 16916-րդ հոդվածով:
Պատշաճ ձևով ծանուցված լինելով` քաղաքացի Ա.Պետրոսյանը (փոստային անդորագիր 29.02.2020թ.) չի ներկայացել գործի քննությանը, որը տեղի է ունեցել 2020թ մարտի 9-ին: Ա.Պետրոսյանի կողմից իր շահերը և իրավունքները պաշտպանող և արարքը հիմնավորող որևիցե գրավոր փաստաթուղթ չի ներկայացվել:
Ղեկավարվելով Հայաստանի Հանրապետության <<Տեղական տուրքերի և վճարների մասին>> օրենքի 9-րդ հոդվածի 1-ին կետի 9-րդ ենթակետի և Հայաստանի Հանրապետության <<Վարչական իրավախախտումների վերաբերյալ>> օրենսգրքի 16916-րդ հոդվածի պահանջներով.
ՈՐՈՇՈՒՄ ԵՄ`
1. Քաղաքացի Ասյա Շամիրի Պետրոսյանին Հայաստանի Հանրապետության <<Վարչական իրավախախտումների վերաբերյալ>> օրենսգրքի 16916-րդ հոդվածով նախատեսված կարգով տուգանել 20 000 (քսան հազար) ՀՀ դրամի չափով, որը ենթակա է վճարման սույն որոշումը ստանալուց հետո ոչ ուշ քան 15 օրվա ընթացքում` ՀՀ ՖՆ գործառնական վարչության 900465000041 հ/հաշվին:
2. Սույն որոշումն ուժի մեջ է մտնում քաղաքացի Ասյա Շամիրի Պետրոսյանին հանձնելու պահից, որը կարող է բողոքարկվել դատական կարգով 15 օրվա ընթացքում:
3.Սույն որոշման կատարման ընթացքի նկատմամբ հսկողությունն իրականացնում է Թալինի համայնքի ղեկավարը: