ՀՀ   Թալին   համայնքի  ղեկավարի  որոշման  կարգավորման  առարկան

<<Պռիմում Գրուպ>> ՍՊԸ ի դեմս տնօրեն Ռոբերտ Կարապետյանի, չի կատարել  2017թ. փետրվարի 13-ի N49 և N50 պայմանագրերով նախատեսված` 2.1 կետով սահմանված պարտականությունը, ինչի կապակցությամբ 2018 թվականի  դեկտեմբերի 17-ին <<Վարչարարության հիմունքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>> ենթակետի հիմքով Թալինի համայնքապետարանի աշխատակազմում հարուցվել է վարույթ՝ տեղական տուրքի չմարված պարտավորության

գումարի գանձման հարցի  քննության  նպատակով: <<Վարչարարության հիմունքների  և վարչական վարույթի մասին>> Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.

Վարչական  ակտ  ընդունելու  համար հիմք հանդիսացող փաստերը.

<<Պռիմում Գրուպ>> ՍՊԸ` ի դեմս տնօրեն Ռոբերտ Կարապետյանի, չի կատարել <<Թալին անվանումն որպես օրենքով գրանցված ապրանքային նշան օգտագործելու>> թույլտվության 2017թ. փետրվարի 13-ի N49 և <<Թալին աշխարհ ապրանքանիշով գովազդը տեղադրելու>>  N50 պայմանագրերով նախատեսված պարտավորությունները:

Աշխատակազմի եկամուտների հաշվառման և հավաքագրման բաժնի կողմից  17.12.2018թ. տրված տեղեկանքների` տեղական տուրքի վճարման ենթակա հարկը կազմում է  83750/ութսուներեք հազար յոթ հարյուր հիսուն/ ՀՀ դրամ, ինչը պայմանագրով սահմաված ժամկետներում չի վճարվել: 2018 թվականի դեկտեմբերի 17-ին <<Վարչարարության հիմուքների և վարչական վարույթի մասին>> ՀՀ օրենքի 30-րդ հոդվածի 1-ին մասի <<բ>>կետի հիմքով Թալինի համայնքապետարանում հարուցված վարչական վարույթի շրջանակներում  2018 թվականի դեկտեմբերի 26-ին հրավիրվել է վարչական վարութի լսում, որին մասնակցելու նպատակով պատշաճ ծանուցվել և չի ներկայացել <<Պռիմում Գրուպ>> ՍՊԸ տնօրեն Ռոբերտ Կարապետյանը /փոստ անդորագիր 20.12.2018թ/: Վարչական վարույթի լսումն իրականացվել է պատշաճ ծանուցված  քաղաքացի  Ռոբերտ Կարապետյանի բացակայությամբ:

Վարչական ակտ ընդունելու հիմնավորումը.

ՀՀ Սահմանադրության 60-րդ հոդվածի 8-րդ մասի համաձայն` յուրաքանչյուր ոք պարտավոր է մուծել օրենքին համապատասխան սահմանված հարկեր, տուրքեր, կատարել պետական կամ համայնքային բյուջե մուտքագրվող պարտադիր այլ վճարումներ:

Համաձայն <<Տեղական ինքնակառավարման մասին>> ՀՀ օրենքի, <<Վարչարարության հիմունքների և վարչական վարույթի մասին>> ՀՀ օրենքի 53-րդ, 58-60-րդ հոդվածների, <<Տեղական տուրքերի և վճարների մասին>> ՀՀ օրենքի, <<Գովազդի մասին>> ՀՀ օրենքի, <<Ապրանքային նշանների մասին>> ՀՀ օրենքի,  2017թ. փետրվարի 13-ի N49 և N50 պայմանագրերի 2.1 կետի`

ՈՐՈՇՈՒՄ  ԵՄ`

1.Քաղաքացի Ռոբերտ Կարապետյանից հօգուտ  Թալին համայնքի  բյուջե գանձել 83750/ութսուներեք հազար յոթ հարյուր հիսուն/ ՀՀ դրամ:

2.Սույն որոշումը կարող է վարչական կարգով բողոքարկվել Թալին համայնքի  ղեկավարին՝ դրա ուժի մեջ մտնելու օրվանից երկու ասվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում:

3.Սույն որոշման պահանջները չկատարելու դեպքում, <<Վարչարարության հիմունքների և վարչական վարույթի մասին>> ՀՀ օրենքի 88-րդ հոդվածով սահմաված կարգով այն ենթակա է հարկադիր կատարման՝ՀՀ ԱՆ ՀԿԱ ծառայության միջոցով՝ անբողոքարկելի դառնալուց հետո եռամսյա ժամկետում:

4.Սույն որոշման կատարման ընթացքի նկատմամբ հսկողությունն իրականացնում է Թալին համայնքի ղեկավարը: