|
23.04.24
ԲԱՐԻ ԳԱԼՈՒՍՏ www.talin.am
|
|
Հարգելի՛ այցելուներ Ողջունում եմ Ձեզ Թալինի համայնքապետարանի պաշտոնական կայքում։ Այստեղ համապարփակ ներկայացվում են Թալին համայնքի ծավալած գործունեությունը, կառուցվածքը, համայնքի ղեկավարի և ավագանիների ընդունած որոշումները, տեղեկատվություն` համայնքի զարգացման ծրագրերի, մատուցվող ծառայությունների և հանրությանը հետաքրքրող այլ հարցերի շուրջ։ Սույն պաշտոնական հարթակի միջոցով ապահովվում է մեր գործունեության թափանցիկությունը և հրապարակայնությունը, ուստի կարևորում ենք Ձեր դիտողություններն ու առաջարկությունները՝ դրանք քննարկելու և ամենօրյա աշխատանքում ներառելու նպատակով: Հարգանքով՝ Թալին համայնքի ղեկավար Տավրոս Սափեյան
|
|
|
23.04.24
ԹԱԼԻՆ ՔԱՂԱՔՈՒՄ ՊԱՍՏԱՌՆԵՐԻ ՀՐԱՊԱՐԱԿՈՒՄ
|
Թալինի կենտրոնական հրապարակում տեղադրվել է պատերազմական գործողությունների ընթացքում անմահացած թալինցի հերոսների անուններով և լուսանկարներով նոր պաստառ։ «Հայրենապաշտպան դաստիարակություն-ահա մեր փրկության խարիսխը», Գարեգին Նժդեհի այս խոսքերն են գրված պաստառի վրա՝ որպես բնութագիր մեր հերոսների սխրանքների։ Թալին քաղաքի կենտրոնական փողոցներում տեղադրվել են համայնքի պատմամշակութային վայրերի, կոթողների, եկեղեցիների և թանգարանների մասին նոր տեղեկատվական ցուցանակներ, այդպիսով նպաստելով մեր մշակութային ժառանգության տարածման ու ճանաչելիության բարձրացմանը։ |
|
|
22.04.24
ԹԱԼԻՆՈՒՄ ԱՆՑԿԱՑՎԵԼ Է «ԱՌՈՂՋ ԱՊՐԵԼԱԿԵՐՊԻ ԱՐՇԱՎ»՝ ԸՆՏԱՆԵԿԱՆ ՁԵՎԱՉԱՓՈՎ
|
|
Առողջապահության նախարարության կողմից կազմակերպվող «Առողջ ապրելակերպի արշավի» կանգառն այս անգամ Թալին քաղաքում էր։Այն մեկնարկել է քայլերթով և շարունակվել առողջ ապրելակերպի վերաբերյալ իրազեկող արշավով՝ դպրոցականների մասնակցությամբ:Մասնակցել են ներկայացուցիչներ՝ ՀՀ Առողջապահության նախարարությունից, ՀՀ Արագածոտնի մարզպետի աշխատակազմի Առողջապահության և սոցիալական ոլորտի հարցերի վարչությունից, Թալինի համայնքապետարանի «Սոցիալական աջակցության և առողջապահության» և «Կրթության, մշակույթի, սպորտի և երիտասարդության հարցերի» բաժիններից, համայնքի ՀՈԱԿ-ներից։Արշավը մեկնարկել է Թալինի Կաթողիկե եկեղեցուց, մասնակիցները քայլել են առողջ ապրելակերպը քարոզող պաստառներով և հասել մինչև ...
Մանրամասն |
|
|
19.04.24
ՀԱՄԱՅՆՔՈՒՄ ԸՆԹԱՆՈՒՄ ԵՆ ԱՍՖԱԼՏԲԵՏՈՆԵ ԾԱԾԿԵՐԻ ՀԻՄՆԱՆՈՐՈԳՈՒՄԱՆ ԱՇԽԱՏԱՆՔՆԵՐ
|
|
Թալին քաղաքի Գայի 1/6 հասցեում ընթանում են ասֆալտբետոնե ծածկի հիմնանորոգման աշխատանքներ, որոնց ընթացքին այսօր հետևեց Թալին համայնքի ղեկավար Տավրոս Սափեյանը, համայնքի ղեկավարի 1-ին տեղակալ Սերգե Մկրտչյանի, համայնքապետարանի ղեկավար կազմի անդամների և ոլորտային պատասխանատուների ուղեկցությամբ։ Վերոնշյալ տարածքում կառուցվել է նաև քաղաքային ավտոկայանատեղի։
|
|
|
18.04.24
ՊԵՏԱԿԱՆ ԲՅՈՒՋԵԻ ՄԻՋՈՑՆԵՐՈՎ ԹԱԼԻՆ ՀԱՄԱՅՆՔԻ ՆԵՐՔԻՆ ՍԱՍՆԱՇԵՆԻ ՄԻՋՆԱԿԱՐԳ ԴՊՐՈՑԻ ՀԱՄԱՐ ՀԻՄՆՈՎԻՆ ՆՈՐ ՈՒ ԺԱՄԱՆԱԿԱԿԻՑ ԴՊՐՈՑ ԿԿԱՌՈՒՑՎԻ
|
|
ՀՀ Կառավարության «300 դպրոց 500 մանկապարտեզ» ծրագրի շրջանակում, 1 մլրդ 772 մլն դրամի ներդրմամբ՝ Ներքին Սասնաշենի Հենրիկ Հովհաննիսյանի անվան միջնակարգ դպրոցի համար հիմնովին նոր, ժամանակակից դիզայնով դպրոց կկառուցվի։350 տեղ հզորությամբ նոր դպրոցն ունենալու է մեկ ընդարձակ մարզադահլիճ, մարզական մեծ խաղահրապարակ, շքեղ հանդիսությունների դահլիճ, ճաշարան, կանաչապատ բակ, լաբորատորիաներ, ընդարձակ ու նորագույն տեխնոլոգիաներով կահավորված դասասենյակներ, գրադարան և կրթադաստիարակչական պրոցեսը պատշաճ կազմակերպելու համար անհրաժեշտ այլ ենթակառուցվածքներ։Նոր դպրոցը հարմարեցված է լինելու հաշմանդամություն ունեցող աշակերտների հեշտ տեղաշարժի համար։Այս պահի դրությամբ կա դպրոցի կառուցման մրցույթը հաղթած կազմակերպություն, ...
Մանրամասն |
|
|
15.04.24
ԱՊՕՐԻՆԻ ԳՈՒՅՔԵՐԻ ԵՎ ԿԱՌՈՒՅՑՆԵՐԻ ԱՊԱՄՈՆՏԱԺՄԱՆ ԱՇԽԱՏԱՆՔՆԵՐ
|
Թալին համայնքում կրկին մեկնարկել են ապօրինի գույքի և կառույցների ապամոնտաժման աշխատանքները. Թալին քաղաքի Խանջյան 28, Տերյան 22, Քոթանյան 11 հասցեներում և Խանջյան փողոցում` կենտրոնական այգու հարակից հատվածում, սկսվել են ապամոնտաժման աշխատանքներ։ Բնակիչները նախապես ծանուցվել են ապօրինի կառույցները և ցանկապատումները ապամոնտաժելու վերաբերյալ։ Բնակիչներից ոմանք սեփական ուժերով հեռացրել են ապօրինի գույքը՝ սահմանված ժամկետում։ Մնացյալ կառուցապատումները, ցանկապատումները և գույքը համայնքի ղեկավարի որոշմամբ ապամոնտաժվում են՝ այդ տարածքները ապօրինի զավթումից ազատելու համար։ Այսօր մեկնարկել են ապամոնտաժման աշխատանքները, որոնց համայնքի ղեկավար Տավրոս Սափեյանը հետևել է անձամբ, աշխատանքները շարունակվելու են։ |
|
|
15.04.24
ՀԱՆԴԻՊՈՒՄ <<ՄԱՆԹԱՇՅԱՆՑ>> ԳՈՐԾԱՐԱՐ ՄԻՈՒԹՅԱՆ ՀԵՏ
|
|
Թալին համայնքի նախաձեռնությամբ, «Մանթաշյանց» գործարար միության և Միջազգային Զարգացման գործակալության աջակցությամբ, իրականացվում է համայնքի տնտեսական ներուժի բացահայտման և ներդրումների ներգրավման ուղղությամբ միջոցառումների շարք, որի շրջանակներում Թալինի համայնքապետարանում հանդիպում- քննարկում է եղել շաբաթ օրը։Հանդիպմանը ներկա են եղել Թալինի համայնքապետարանի աշխատակիցներ՝ համայնքի ղեկավարի 1-ին տեղակալ Սերգե Մկրտչյանի գլխավորությամբ, գործարարներ, Խորհրդատուների միջազգային ինստիտուտ ՀԿ-ի Հայաստանյան մասնաճյուղի անդամներ, ձեռնարկատիրական նախագծերի և ֆոնդհայթայթման գծով էքսպերտներ, հատուկ տնտեսական գոտիների գծով փորձագետներ և այլն։Հանդիպման ընթացքում քննարկվել են Թալին համայնքի տնտեսական ...
Մանրամասն |
|
|
15.04.24
<<ՍՊՈՐՏԼԱՆԴԻԱ>> ՄԵՐ ԴՊՐՈՑԱԿԱՆՆԵՐԻ ՄԱՍՆԱԿՑՈՒԹՅԱՄԲ
|
|
Ապրիլի 11-ին և 12-ին անցկացվել է «Սպորտլանդիա» մարզական միջոցառման մարզային փուլը 1-3-րդ և 4-6-րդ դասարանների աշակերտների միջև։ Մարզային փուլին մասնակցել են համայնքային փուլերում 1-ին ու 2-րդ հորիզոնականներ զբաղեցրած հանրակրթական դպրոցները։Աշտարակում կայացած մարզային փուլին 1-3րդ դասարանների խմբում հաղթող է ճանաչվել Թալինի թիվ 2 հիմնական դպրոցը, գրավելով 1-ին հորիզոնական։4-6-րդ դասարանների մրցապայքարում ևս հաղթող են ճանաչվել Թալին համայնքի ներկայացուցիչները՝ ի դեմս Մաստարայի միջնակարգ դպրոցի։Առաջին հորիզոնականը զբաղեցրած Թալինի թիվ 2 հիմնական ու Մաստարայի միջնակարգ դպրոցները մասնակցելու են Վանաձորում կայանալիք մրցույթի հանրապետական փուլին։Շնորհավորում ենք մեր թիմերին և մաղթում հաջողություններ ...
Մանրամասն |
|
| 1 2 3 4 5 6 7 8 9 10 ... |